როცა კომფორტის ზონიდან გადიხარ და მოქმედებ, შენს თავსაც ეხმარები და სხვებსაც. საკუთარ თავს თავად უხსნი გზებს, რომელიც შენი ოცნებებისკენ მიდის. შენს თავს თავად ხდი იღბლიანს, ბედნიერს, რეალიზებულს, თავდაჯერებულს, სავსეს, თავისუფალს, ძლიერს, შენ თავს თავად ჩუქნი სასწაულებს და მერე უკვე სამყარო სარკესავით მოგყვება, რადგან შენი ცხოვრება – შენი დღევანდელი რეალობაა, შენი შინაგანი სამყაროს ანარეკლი და გაგრძელება. დიახ, აქ შეცდომები არ არსებობს.
ორი კვირის წინ დავწერე, რომ ჩემი მიზანი თებერვლის ბოლომდე 20 ადამიანთან მუშაობა იყო ბაირონ ქეითის ‘’სამუშაო’’ ინსტრუმენტით და ძალიან გახარებული ვარ, რომ ამ იდეამ გაამართლა. წამოვიდა შეტყობინებების კორიანტელი და პირველივე წუთებიდანვე ვგრძნობდი, რომ სწორი გზით მივდიოდი…..!!!
სურვილმა, ვყოფილიყავი ადამიანებისთვის სასარგებლო, მიაღწია არა მხოლოდ საქართველოს სხვა და ხვა კუთხეებში, არამედ გასცდა საზღვრებს და მწერდა ძალიან ბევრი ქართველი ემიგრანტი, განსაკუთრებით ამერიკიდან, იტალიიდან, საბერძნეთიდან ჩვენი საამაყო ემიგრანტები იწერებოდნენ, რომ მათ სურდათ ჩემთან ინდივიდუალური მუშაობა ბაირონ ქეითის ‘’სამუშაო’’ ინსტრუმენტით… და ყველაზე მაგარი ის არის, რომ ეს შეტყობინებები და გამოხმაურება დღემდე გრძელდება.
ამიტომაც დაწყებულ საქმეს მე აუცილებლად ვაგრძელებ!!!
ვხსნი მაქსიმალურად ჩემს გულს, რესურსებს და უნარებს და სამყაროში ვაჟღერებ კიდევ ერთ, ჩემთვის დიდ სიახლეს.
ჩემი მიზანია 2019 წლის დეკემბრის ბოლომდე სასარგებლო ვიყო კიდევ 100 სრულიად უცხო ადამიანისთვის და ინდივიდუალურად ვიმუშაო მათთან ბაირონ ქეითის ‘’სამუშაო’’ ინსტრუმენტით სიმბოლურ ფასად.
ზუსტად ვიცი, მჯერა, ვგრძნობ და ვხედავ რა საოცარი გზა და პროცესები გველოდება წინ მე და ამ 100 ადამიანს ერთად….
აი, სწორედ ასეთ საინტერესო, სიცოცხლით სავსე და შთამაგონებელ ცხოვრებაზე ვოცნებობდი ყოველთვის…. თუმცა ეს მხოლოდ დასაწყისია..! და მე ეს დასაწყისიც, ჩემი ოცნების ცხოვრების, მიყვარს მთელი გულით და სულით.
როგორც ჩავიფიქრე, ზუსტად ისე ხდება. 2019 წელი ახალი შესაძლებლობების, დიდი მიზნების მიღწევის, ძალიან ბევრი ადამიანისთვის სასარგებლოდ ყოფნის წელიწადია და ეს კიდევ უფრო მეტ ძალას, სიცხადეს და შთაგონებას მაძლევს, რომ ჩემი ოცნების ცხოვრების შენება კიდევ უფრო დიდი რწმენით და შინაგანი ძალით გავაგრძელო.
როგორც წინაზე, ახლაც მჯერა რომ აუცილებლად წაიკითხავს 100 ადამიანი ამ ინფორმაციას. ის 100 ადამიანი, ვისთვისაც სასარგებლო ვიქნები ბაირონ ქეითის ‘’სამუშაო’’ ინსტრუმენტით და ასევე მალე ახლი პროფესიით …… ქოუჩინგით, რომლის შესწავლაზე ყოველთვის ვოცნებობდი და ახლა უკვე ჩემი ოცნების პროფესიის შესწავლის პროცესში ვარ.
100 სრულიად უცხო ადამიანთან ინდივიდუალურად მუშაობა 2019 წლის ბოლომდე – ძალიან, ძალიან შთამაგონებელი მიზანია და მჯერა, რომ ამ 100 ადამიანისთვისაც ისეთივე სასარგებლო და შთამაგონებელი იქნება ბაირონ ქეითის ‘’სამუშაო’’ ინსტრუმენტით მუშაობა, როგორც სხვა ადამიანების შემთხვევაში.
გააზიარეთ ეს სტატია, რომ რაც შეიძლება ბევრი ადამიანის ცხოვრებაში გამოჩნდეს ეს შესაძლებლობა და კიდევ უფრო მეტი ადამიანისთვის ვიყო სასარგებლო.
დიდი სიყვარულით მარიამი!
სამოტივაციო ბლოგი - Motivational Blog 